પ્રતિકારત્મક તસ્વીર

દાહોદ જિલ્લાના ઝાલોદના જાફરપુરામાં જમીનમાં ભાગ કેમ આપતાં નથી તેમ કહી એક મહિલા સહિત બે ઉપર હુમલો કરી લોખંડનો સળીયો મારી ઇજા પહોંચાડી હતી. મહિલા સહિત 3 સામે ફરિયાદ નોંધાવી હતી.દાહોદ જિલ્લાના ઝાલોદ તાલુકાના જાફરપુરા ગામના પીપળી ફળીયામાં રહેતા વિનેશ મોતી ડામોર, સંજય વિનેશ ડામોર, રમીલાબેન વિનેશ ડામોર ફળિયામાં રહેતા ચંપાબેન મહેશભાઇ ડામોરના ઘરે જઇ તમે સર્વે નંબર 60 તથા 72 (બ) વાળી જમીનમાં ભાગ કેમ આપતા નથી તેમ કહી ગાળો બોલી ચંપાબેન ડામોરને પકડી નીચે પાડી દઇ ગડદાપાટુનો માર માર્યો હતો.

તેમજ વિનેશ ડામોરે લોખંડનો સળીયો માથામાં મારતાં ચંપાબેન લોહીલુહાણ થયા હતા. તેમજ ભાવેશભાઇને જમણા હાથની આગળી ઉપર લોખંડનો સળીયો મારી ઇજાઓ કરી જાનથી મારી નાખવાની ધમકીઓ આપી હતી. આ દરમિયાન બુમાબુમ થતાં લોકો દોડી આવતાં હુમલાખોરો જાનથી મારી નાખવાની ધમકીઓ આપતા ભાગી ગયા હતા અને ઇજાગ્રસ્તોને સારવાર માટે લઇ જવામાં આવ્યા હતા. આ સંદર્ભે ચંપાબેન ડામોરે હુમલાખોરો વિરૂદ્ધ ઝાલોદ પોલીસ મથકે ફરિયાદ નોંધાવી હતી.