દાહોદ જિલ્લામાં સ્થાનિક સ્વરાજ્યની ચુંટણીઓ શાંતિપૂર્ણ રીતે યોજાય તે માટે પોલીસ વિભાગે કમર કસી છે. .ત્યારે લીમખેડામાં પોલીસે ફૂટમાર્ચ યોજી કાયદા અને વ્યવસ્થાની સ્થિતિનું નિરીક્ષણ કર્યું. રાજકીય રીતે લીમખેડા સંવેદનશીલ વિસ્તાર મનાતો હોય પોલીસ સતર્ક બની છે.

જિલ્લામાં શાંતિપૂર્ણ રીતે ચૂંટણી યોજાય તે માટે આચારસંહિતાના અમલ સાથેજ જરુરી પગલાં ભરવામા આવી રહ્યા છે.જિલ્લાને બે રાજ્યોની સરહદ સ્પર્શતી હોવાથી બાજ નજર રાખવામા આવી રહી છે. દરેક તાલુકા મથકોએ તેમજ અંતરિયાળ વિસ્તારોમાં પણ ચૂંટણી ટાણે કાયદો અને વ્યવસ્થાની સ્થિતિ નિયંત્રણમાં રહે તેના માટે પાલીસ તેનો એકશન પ્લાન બનાવી રહી છે.તેના ભાગ રુપે દાહોદ જિલ્લાના રાજકીય રીતે એપી સેન્ટર માનવામાં આવતા લીમખેડા તાલુકામાં પણ પોલીસ ખાસ સતર્કતા રાખી રહી છે.તેના ભાગ રુપે તારીખ 19 ફેબ્રુઆરીના રોજ લીમખેડામાં ડીવાયએસપીના નેતૃત્વમાં પાલીસે ફુટ માર્ચ યોજવામા આવી હતી. પોલીસ કુમક સાથે ઉચ્ચ અધિકારીઓ પણ ફૂટમાર્ચમાં જોડાયા હતા.ચૂંટણી સમયે પોલીસ સજાગ હોવાનો સામાન્ય જનતામાં સંદેશો પહોંચાડવાનો પ્રયાસ કરાયો હતો.

ભુતકાળમાં જે મતદાન મથકોના વિસ્તારોમાં ચૂંટણી સંબંધી તકરાર થઈ હોય અથવા બુથ કેપ્ચરીંગ કે બોગસ મતદાની ફરિયાદો મળી હોય તેવા મતદાન મથકો અને વિસ્તારોની યાદી બનાવી તેમા વધારાનો પોલીસ બંદોબસ્ત ગોઠવવાનો પણ નિર્ણય કરાયો છે.