દાહોદ જિલ્લામાં જુલાઇ માસથી પીક ઉપર રહેલો કોરોના છેક ઓક્ટોબર સુધી લોકોને ભયભિત કરી મુક્યા હતાં. હવે નવેમ્બરની સ્થિતિ સુખદ અને થોડી નિયંત્રમાં જોવા મળી રહી છે. જોકે, સંકટ યથાવત હોવાથી હાલમાં માસ્ક જ વેક્સિનનું કામ કરે તેમ છે. હાલમાં પણ સાવચેતી એટલી જ જરૂરી બની છે.

દાહોદ જિલ્લામાં અત્યાર સુધીમાં 151791 સેમ્પલ લેવામાં આવ્યા છે. જેમાંથી કુલ 1819 લોકો કોરોના સંક્રમિત થયા છે. જેમાં 1209 પુરૂષ અને 610 મહિલાઓનો સમાવેશ થાય છે. હાલ એક્ટિવ કેસની સંખ્યા 41 છે. આ સાથે કોરોનાને કારણે 4 અને કોરોના થયા બાદ કોમોર્બીડ હોય તેવા 48 પુરૂષ જ્યારે કોરોનાને કારણે 1 અને કોમોર્બીડ 21 મહિલાનું મોત થયું છે. હાલ નવેમ્બર માસમાં કોરોનાના બિલકુલ કંટ્રોલમાં હોવાથી હાશ જોવા મળી રહી છે. જિલ્લામાં કોરોના સંક્રમિતોનો રિક્વરી રેટ 91.95 ટકા છે. જયારે એક્ટીવ કેસોનું પ્રમાણ ફક્ત 3.90 ટકા રહી ગયું છે. કોરોના સંક્રમિતોનું બમણું થવાનું પ્રમાણ હવે 72 દિવસ સામે આવ્યુ છે. કમ્પાઉન્ડ ડેઇલી ગ્રોથ રેટ 0.41 ટકા થયો છે. દરરોજ લેવામાં આવતા સેમ્પલોની સાપેક્ષે કુલ પોઝિટિવીટીનું પ્રમાણ 1.29 ટકા જોવા મળ્યું છે. દાહોદ જિલ્લામાં કલેક્ટર વિજય ખરાડી અને ડીડીઓ રચિત રાજના માર્ગદર્શનમાં જિલ્લા આરોગ્ય અધિકારી આર.ડી પહાડિયાની આગેવાનીમાં આખુ આરોગ્ય તંત્ર આજે પણ કામગીરીમાં જોતરાયેલું છે. 1405 આરોગ્ય ટીમ દ્વારા રોજના 40384 ઘરોની મુલાકાત લઇને શરદી-ખાંસી-તાવ જેવા કેસોની ઓળખ કરીને જરૂર જણાય તો કોરોના ટેસ્ટ પણ કરી રહી છે. દરરોજ 55 ઘન્વતંરિ રથો દ્વારા આરોગ્ય તપાસ કરવામાં આવી રહી છે.

​​​​​​​