શેરીમાં શિક્ષણ આપવા માટે જતા શિક્ષકો વિધાર્થી સાથે સારી રીતે શિક્ષણ કાર્ય કરી શકે તેવા શુભ આશયથી જિલ્લા પ્રાથમિક શિક્ષણાધિકારી મયુર પારેખના માર્ગદર્શન હેઠળ દાહોદ તાલુકાના બી.આર.સી અને સી.આર.સીની સમગ્ર ટીમ દ્વારા સ્વ ભંડોળ એકત્રિત કરીને શિક્ષકો માટે રોલ અપ બોર્ડની ખરીદી કરી શાળાઓને આપવામાં આવ્યા હતા.

કોરોના સમયમાં હાલ બાળકોને શાળામાં પ્રત્યક્ષ શિક્ષણ આપી શકાતું નથી.આવા સમયે બાળકો શિક્ષણથી વંચિત ન રહે તે માટે તાલુકાના શિક્ષકો દ્વારા શેરીએ શેરીએ નાના નાના જૂથોમાં જઈ ને શેરી શિક્ષણનો નવો અભિગમ અપનાવીને બાળકો શિક્ષણથી વંચિત રહી ન જાય તે માટે શેરી શિક્ષણ આપવામાં આવી રહ્યું છે.

શેરી શિક્ષણમાં જતા શિક્ષકો રોલ અપ બોર્ડ અને અન્ય સહાયક સામગ્રીથી બાળકોને વધુ સારી રીતે શિક્ષણ પૂરું પાડી શકશે તેવો વિશ્વાસ વ્યક્ત કરી જિલ્લા પ્રાથમિક શિક્ષણાધિકારી મયુર પારેખે સમગ્ર બી.આર.સી ટીમને અભિનંદન પાઠવ્યા હતા.