દાહોદના ઠક્કર ફળિયા વિસ્તારમાં આવેલી ચુનાવાળાની ગલીમાં રહેતા શોકત સલીમભાઇ કુંજડાએ પોતાની જીજે-20-એએ-7799 નંબરની મોટર સાયકલ તા.14 નવેમ્બરના રોજ પોતાના ઘર આગળ સ્ટેરીંગ લોક મારી મુકી હતી.

દરમિયાન રાત્રીના સમયે ચોરોએ તેમની 10,000ની બાઇકને નિશાન બનાવી ચોરી કરી લઇ ગયા હતા. સવારે પાર્ક કરેલી જગ્યાએ બાઇક જોવા ન મળતાં આજુબાજુમાં શોધખોળ કરી હતી પરંતુ પત્તો લાગ્યો ન હતો. જેથી શોકતે બાઇક ચોરીની ફરિયાદ નોંધાવી હતી.