પ્રતિકાત્મક તસવીર

પશ્ચિમ રેલવેના રતલામ મંડળમાં બે વર્ષ એટલે કે 2019થી 2021ના સમયગાળા દરમિયાન રેકોર્ડ બ્રેક 360 કિલોમીટર ટ્રેકનું ઇલેક્ટ્રિફિકેશન કરી રેલવેએ મંડળના આખા 949.84 રનિંગ કિમી (ટ્રેક કિમી 1861) ટ્રેકને ઇલેક્ટ્રિફાઇડ કરી લીધો છે. આ કામગીરી સાથે રતલામ પશ્ચિમ રેલવેનું બીજું 100% ઇલેક્ટ્રિફાઇડ ડિવિઝન બની ગયું છે. પ્રથમ ક્રમ મુંબઇનો છે.

આ પૂર્વે રતલામ મંડળમાં 1986થી 2014 સુધીના 28 વર્ષમાં માત્ર 589 કિમી જ વિદ્યુતિકરણ થઇ શક્યું હતું. મંડળમાં હવે તમામ મુસાફર ટ્રેનો વીજ એન્જિનથી જ દોડાવવામાં આવી રહી છે. હાલમાં મહૂ-ખંડવા ટ્રેક બ્રોડગેજ કરાઇ રહ્યો છે. આ કામગીરી પણ વિદ્યુતિકરણ સાથે જ પૂર્ણ કરવામાં આવશે.

રેલવે ટ્રેકના ઇલેક્ટ્રિફિકેશનના લાભો

66 જેટલા એસી લૉકો હાલમાં મળી ચૂક્યા છે
તમામ ટ્રેનોને વીજ એન્જિનથી જ ચલાવાઇ રહી છે. 66 એસી લૉકો એન્જિન મળી ચૂક્યા છે. આશરે તેટલા જ એન્જિન હજી મળશે.

રતલામ મંડળમાં 2019થી 2021 સુધીનું વિદ્યુતિકરણ

1986થી 2014 સુધીના વિદ્યુતિકરણની સ્થિતિ

66 ઇલેક્ટ્રિક એન્જિન છે, 2022 સુધી 125 થઇ જશે
રતલામ ડીઝલ શેડને વીજ એન્જિન પણ મળવા લાગ્યા છે. અત્યાર સુધી 66 એસી લૉકો મળી ચૂક્યા છે. 2022 સુધી તે 125 થઇ જશે. 2019માં જ ડીઝલ શેડને લૉકોમાં તબદીલ કરવાની કવાયત કરવામાં આવી છે. 2019 સુધી 115 ડીઝલ હોલ્ડિંગવાળા શેડમાં હવે 38 ડીઝલ એન્જિન બચ્યા છે.

પ. રેલવેના અન્ય ડિવિઝનમાં વિદ્યુતિકરણની સ્થિતિ
મુંબઇ-100%
રતલામ-100%
વડોદરા-85%​​​​​​​
અમદાવાદ-84%
રાજકોટ-60%
ભાવનગર-35%