સુરેન્દ્રનગર જિલ્લાના લીંબડી પોલીસ સ્ટેશન હદ વિસ્તારમાં 17.50 લાખની ઘરફોડ ચોરીનો ભેદ વણઉકલયો હતો.આ ગુનાના છેલ્લા એક વર્ષથી નાસતા ફરતા બે આરોપીઓને દાહોદ જિલ્લાની ધાનપુર પોલીસે બંને આરોપીઓને આંબાકાચ ગામેથી ઝડપી પાડી જેલ ભેગા કર્યાનું જાણવા મળ્યુ છે.

દાહોદ જિલ્લામાં વિવિધ ગુનાઓમાં નાસતા ફરતા આરોપીઓ ઝબ્બે કરવાની પોલીસ દ્વારા હાલ કામગીરી ચાલી રહી છે .ત્યારે આ કામગીરીમાં ધાનપુર પોલીસ પણ સક્રિય બની છે ત્યારે ગતરોજ ધાનપુર પોલીસને મળેલ બાતમીના આધારે સુરેન્દ્રનગર જિલ્લાના લીંબડી પોલીસ સ્ટેશન હદ વિસ્તારમાં થયેલ 17.50 લાખની ઘરફોડ ચોરીના આરોપીઓ ચંદુભાઈ રાળુંભાઈ ભુરીયા તથા ભાણુંભાઈ મનુભાઈ ભુરીયા (બંને રહે.નવાનગર, પાણીવડીયા ફળિયું, તા.ધાનપુર જિ દાહોદ) આંબાકાચમા વોચ ગોઠવાઇ ગઇ હતી.તે સમયે ઉપરોક્ત બંને આરોપીઓ પોલીસને જોવાતાની સાથે જ પોલીસે બંનેને દબોચી લીધા હતા. ધાનપુર પોલીસે ઉપરોક્ત બંને આરોપીઓને ઝડપી પાડી આગળની કાયદેસરની કાર્યવાહી હાથ ધરી છે.ત્યારે વધુ ગુના પણ ઉકેલી શકાય છે.