દાહોદ જિલ્લામાં મંગળવારે વાદળછાયા વાતારવણ વચ્ચે કેટલાંક તાલુકામાં સામાન્ય ઝાપટા નોંધાયા હતાં. સોમવારે સાર્વત્રિક વરસાદ નોંધાયો હતો. પ્રાપ્ત માહિતી અનુસાર, તા.18.8.’20 ને મંગળવારની સવારે 6 સુધીમાં દાહોદ જિલ્લાના ગરબાડામાં 18 મીમી, દેવગઢ બારિયામાં 16, દાહોદમાં 13, ધાનપુરમાં 50, ફતેપુરામાં 11, લીમખેડામાં 5, સંજેલીમાં 6 અને સીંગવડમાં 1 મીમી વરસાદ નોંધાયો હતો.જિલ્લાનો એકમાત્ર ઝાલોદ તાલુકો જ વરસાદથી બાકાત રાહેવા પામ્યો હતો.

આ વરસાદ થકી જિલ્લાના બહુધા જળાશયો પણ તેની પૂર્ણ સપાટીની લગોલગ આવી ચુક્યા છે.જિલ્લાનો ઉમરિયા ડેમ છલકાઈ ચુક્યો છે તો બાકીના પાટાડુંગરી, કાળી-2, માછણ નાળા, અદલવાડા, વાક્લેશ્વર, કબુતરી અને હડફ વગેરે જળાશયોની પૂર્ણ સપાટી થવાને હવે માંડ 1 થી લઈ 4 મીટર પાણી જ ઘટે છે. અલબત્ત, મંગળવારે સવારથી જ દાહોદ શહેર સહિત જિલ્લામાં વાદળછાયું વાતાવરણ સાથે વરસાદે વિરામ ફરમાવતા ક્યાંકક્યાંક છુટાછવાયા છાંટા સિવાય જિલ્લામાં સ્વચ્છ વાતાવરણ રહેવા પામ્યું હતું.

0