એકધારો વરસાદ વરસતા ઉમરીયા ડેમ સીઝનમાં ઓવરફલો થવાથી આસપાસના ગામોને સાવધ કરવામાં આવ્યા

દાહોદ જિલ્લામાં શ્રીકાર વર્ષાથી જિલ્લાના પાંચ ડેમ સંપૂર્ણપણે ભરાઇ ગયા છે અને બે ડેમની જળસપાટી 80 ટકા સુધી પહોંચી છે. આજ સવારના 6 વાગ્યા સુધીની માહિતી જોઇએ તો માછણનાળા 277.80, કાળી -2 257.20, ઉમરીયા 280.20,કબુતરી 186.60 સુધીની જળસપાટીએ પહોંચ્યા છે. 100 ટકા સુધી ભરાયા છે અને ભયજનક સપાટીથી થોડેક જ દૂર હોય નીચાણવાળા વિસ્તારના ગ્રામજનોને સાવધ પણ કર્યા છે. દાહોદને પીવાનું પાણી પૂરૂ પાડી રહેલા પાટાડુંગરી ડેમ પણ મંગળવારે સાંજે ઓવરફ્લો થયો છે. પાટાડુંગરી ડેમ પૂર્ણ સપાટી 170.84 મીટર પરથી ઓવર ફ્લો થઇ રહ્યો છે. જેના પગલે સાહડા, ગરબાડા, ગાંગરડી, ગુંગરડી, ટૂંકી વીજ, ટૂંક અનોપ, નાંધવા, પાંચવાડા, દેવધા, વરમખેડા, બોરખેડા, જાલત, મોટી ખરજ, પૂંસરી, કસ્બાને સૂચના આપી છે. અદલવાડા 80.47 ટકા, વાકલેશ્વર 70.15 ટકા ભરાયા છે.

0