દાહોદ જિલ્લામાં કુપોષણને નાથવા નવ તાલુકાની 109 આંગણવાડી કેન્દ્રો ખાતે 55 આંગણવાડી કાર્યકરો અને 54 તેડાગર કાર્યકરો એમ કુલ 109 પોષણકર્મીઓની ભરતી કરવામાં આવી છે.

આ ભરતી ઓનલાઇન પદ્ધતિથી અરજીઓ મંગાવીને ફક્ત બે મહિનામાં જ પૂર્ણ કરવામાં આવી છે. ગુજરાત સરકાર મહિલા અને બાળ વિકાસ વિભાગ ગાંઘીનગર દ્વારા સંકિલત બાળ વિકાસ યોજના અતંર્ગત આંગણવાડી કેન્દ્રો ખાતે e-HRMS પોર્ટલ ઉપર ઓનલાઇન અરજીના માધ્યમથી આંગણવાડી કાર્યકર-તેડાગરની તમામ શરતોના પાલન સાથે ભરતી કરવામાં આવી છે. જે તે આંગણવાડી કાર્યકર-તેડાગર જે તે રેવન્યુ ગામના વતની હોવા જોઇએ તેવી શરત રાખવામાં આવી હતી. શહેરી વિસ્તાર માટે જે તે વોર્ડના ઉમેદવારને પણ અરજી કરવા દેવામાં આવી હતી. ૫રણિત-અપરણિત તેમજ વિઘવા ઉમેદવારને પણ અરજી કરવા દેવામાં આવી હતી. અનામત કેટેગરી તેમજ વિધવા ઉમેદવારને વિશેષ ગુણ આપવામાં આવ્યા હતા. એક જ કેન્દ્રમાં ફરજ બજાવતા કાર્યકર-તેડાગરના નજીકના સગા હોય તે કેન્દ્રમાં ઉમેદવારી માટે ગેરલાયક ગણવામાં આવ્યા છે.