દાહોદ જિલ્લાના ઝાલોદ તાલુકાના સીમલીયા ગામની 23 વર્ષિય પરણિતા શર્મીલાબેન પંકજભાઇ બારીયા તેમના સસરા તથા કાકા સસરા સાથે ખેતરમાં ઘાલ લેવા જતા હતા. ત્યારે રસ્તામાં રમણ મોઘસી બારીયા તથા મકન પારસીંગ બારિયા અને વિકેશ માના ત્યાં આવી ગાળો બોલી મારવાની ધમકી આપતા હતા.

જેથી શર્મીલાબેને ગાળો બોલવાની ના પાડતા રમણ બારીયા એકદમ ઉશ્કેરાઇ જઇ જમણા હાથ ઉપર લાકડી મારી દીધી હતી અને તેમના સસરા અને કાકા સસરા સાથે ઝઘડો કરી અમારી જમીનમાં કેમ નીકળો છો કહી તેની અદાવત રાખી હવે પછી છોડીશુ નહી તેમ કહી મારી નાખવાની ધમકીઓ આપતા બુકરણીઓ કરી જતા રહ્યા હતા. આ સંદર્ભે શર્મીલાબેને લીમડી પોલીસ મથકે હુમલાખોરો વિરૂદ્ધ ફરિયાદ નોંધાવી હતી.