• બાઇક અને થેલામાં મૂકેલો રૂા.800નો મોબાઇલ સહિત રૂા.35,800ની ચોરી

દિવ્ય ભાસ્કર

Aug 11, 2020, 04:28 AM IST

દાહોદ. મધ્યપ્રદેશને ઝાબુઆ જિલ્લાના પીટોલ ગામના રમેશભાઇ મેડા તા.2જીના રોજ તેના ભાઇના સાળા વિનોદભાઇ વાખલા સાથે પોતાની બાઇક લઇને મોરબીથી પીટોલ તેમના ઘરે જતા હતા. રાત્રીના દાહોદ નજીક જાલત ગામ પાસે રોડની સાઇડમાં ગાડી ઉભી કરી લઘુશંકા માટે રોકાયા હતા. તે દરમિયાન રોડ ઉપરથી તેમની બાઇક તથા તેના ઉપર મુકેલો કપડા અને મોબાઇલ મુકેલો થેલો કોઇ ચોર ઇસમ ચોરી કરી લઇ ગયા હતા. લઘુશંકા કરી પરત ફરતા બાઇક તથા થેલો જોવા ન મળતાં આજુબાજુમાં શોધખોળ કરી હતી પરંતુ કોઇ પત્તો લાગ્યો ન હતો. આ સંદર્ભે રમેશભાઇ મેડાએ કતવારા પોલીસ મથકે 35,000ની કિંમતની બાઇક તથા થેલામાં મુકેલો 800ની કિંમતનો મોબાઇલ મળી 35,800ની ચોરીની ફરિયાદ નોંધાવતાં પોલીસે ગુનો નોંધી કાર્યવાહી હાથ ધરી છે.