સંજેલી તાલુકાની બે જિલ્લા પંચાયત અને સોળ તાલુકા પંચાયતની બેઠકો ઉપર ચુંટણીનો રંગ જામશે. 18 બેઠકો માટે સંજેલી તાલુકામાં ૪૯ ઉમેદવારો મેદાને ઉતર્યા છે. જિલ્લા પંચાયતની સામાન્ય બેઠક હોવા છતાં પણ ભાજપ કોંગ્રેસ બંને પક્ષે આદિવાસી ઓનું સૌથી વધુ મતદાન હોવાથી એસટી ઉમેદવારને મેદાને ઉતાર્યા છે. જેથી નારાજ ગામના આગેવાનો દ્વારા અપક્ષ ઉમેદવારને મેદાને ઉતાર્યો છે.

તાલુકા પંચાયતની નગરની એંસી બેઠક પર ભાજપ માંથી ટીકીટ ન મળતા નારાજ કાર્યકરે અપક્ષ તરીકે દાવેદારી નોંધાવી છે. જેથી કહી શકાય કે સંજેલી તાલુકામાં નારાજ ગ્રામજનો અને કાર્યકર્તાઓ મતદારો હિરોલા જિલ્લા અને સંજેલી નગરની તાલુકા પંચાયતની બેઠકો પર અપક્ષને જિતાડશે કે પછી પક્ષોને સાથસહકાર આપશે તે તો આવનારો સમય જ બતાવશે.