દાહોદના પરેલમાંથી યુવક પાસેથી એલસીબીની તપાસમાં દેશી હાથ બનાવટની માઉઝર પિસ્તોલ મળી આવી હતી. પોલીસે માઉઝર અને એક્ટિવા જપ્ત કરી છે. ભીલવાડાનો વિનોદભાઈ છત્રસિંહ ગણાવા પોતાની સાથે એક દેશી હાથ બનાવટની માઉઝર પિસ્તોલ લઈ એક્ટીવા ઉપર દાહોદમાં આવેલ પરેલ વિસ્તારના રેલવે ફાટક નજીકથી પસાર થઈ રહ્યો હતો.

બાતમીના આધારે વોચ ગોઠવીને ઉભેલી એલસીબીએ વિનોદભાઈ ત્યાંથી પસાર થતાંની સાથે જ પોલીસે તેને ઝડપી પાડ્યા હતાં. તલાશી વેળા તેની પાસેથી એક દેશી હાથ બનાવટની માઉઝર પિસ્તોલ,એક મોબાઇલ તેમજ એક્ટિવા જપ્ત કરી હતી. વિનોદ સામે ગુનો દાખલ કરીને આગળની કાયદેસરની કાર્યવાહી હાથ ધરવામાં આવી છે.