દિવ્ય ભાસ્કર

Aug 10, 2020, 04:00 AM IST

દાહોદ. દાહોદ તાલુકા પોલીસ મથકનો સ્ટાફ ગતરોજ પોલીસ સ્ટેશન વિસ્તારમાં પેટ્રોલીંગમાં હતા. ત્યારે મારૂતીમાં સાતશેરા તરફથી દારૂનો જથ્થો આવતો હોવાની બાતમી મળતાં ખરોદા ચોસાલા જવાના રોડ પર ત્રણ રસ્તા વોચમાં હતા. ત્યારે બાતમી વાળી ગાડી આવતા તેને ઉભી રખાવી દાહોદ જીલ્લાના ઝાલોદના કાળીમહુડીના ડ્રાઇવર મુકેશ રસલા ડામોરને નીચે ઉતારી ગાડીમાં તપાસ કરતાં પાછળથી શીટ ઉપર તથા શીટના પાછળના ભાગે ખાખી પુઠાના બોક્ષમાં વિદેશી દારૂની પેટીઓ ભરેલી મળી આવી હતી. જેને બહાર કાઢીને જોતાં તેમાંથી વિદેશી દારૂની નાની મોટી 144 બોટલો તથા વ્હીસ્કીની 36 બોટલો મળી કુલ 180 નંગ કિંમત 49,680ની મળી હતી. દારૂ તથા હેરાફેરીમાં વપરાયેલી કારની કિંમત 80 હજાર મળી કુલ 1,29,680ના મુદ્દામાલ સાથે ડ્રાઇવરની ધરપકડ કરી છે.