દેવગઢ બારિયાના કાપડી પીટીસી કોલેજ રોડ ઉપર રહેતા મુમતાજબેન ઇસ્માઇલભાઇ રસીદવાળા ગેરકાયદેસર રીતે પોતાના રહેણાંક મકાનમાં વિદેશી દારૂ રાખી છુટક વેચાણ કરતી હોવાની બાતમી મળતાં દેવગઢ બારિયા પોલીસે તેના ઘરે રેઇડ કરી હતી. રેઇડ દરમિયાન મુમતાજબેન રસીદવાળા ઘરે હાજર નહી મળતાં પોલીસે તેને ઘરમાં તલાસી લીધી હતી. જેમાં તેના ઘરમાંથી વિદેશી દારૂના હોલ તથા ક્વાટરીયા અને બીયર મળી કુલ 240 નંગ બોટલ જેની કિંમત 31,505નો પ્રોહી મુદ્દામાલ મળી આવ્યો હતો. પ્રોહી મુદ્દામાલ કબ્જે લઇ ઘરે હાજર નહી મળી આવેલ મુમતાજબેન રસીદવાળા સામે પ્રોહી એક્ટ મુજબ ગુનો નોંધી દેવગઢ બારિયા પોલીસે કાર્યવાહી હાથ ધરવામાં આવી હતી.