દાહોદ શહેર સહિત જિલ્લામાં કોરોનાના કેસોમાં વધારો થતાં પ્રજાની ચિંતામાં વધારો થયો છે. કોરોનાની ચેનને રોકવા માટે રવિવારના રોજ વેપાર બંધ રાખવાની જાહેરાત કરવામાં આવી છે. રવિવારના રોજ પણ દાહોદ શહેર સહિત જિલ્લામાં કુલ 15 કેસ સામે આવ્યા હતાં. આ કેસોમાં દાહોદ શહેરમાં કરાયેલા RTPCRમાં પાંચ અને રેપીડમાં એક કેસ પોઝિટિવ આવ્યો હતો. આ સાથે ઝાલોદમાં એક, દેવગઢ બારિયામાં એક, લીમખેડામાં ચાર, ગરબાડામાં એક અને ફતેપુરામાં બે મળીને કુલ 15 કેસ આવ્યા હતાં.

દાહોદ જિલ્લામાં અત્યાર સુધી કોરોનાથી છ અને કોરોના થયા બાદ કોર્મોબીડ હોય તેવા 70 લોકો મોતને ભેંટ્યા છે. રવિવારના રોજ આઠ લોકોને રજા અપાઇ હતી ત્યારે હાલ એક્ટિવ કેસની સંખ્યા 161 ઉપર પહોંચી ગઇ છે.