દાહોદ આરોગ્ય વિભાગ દ્વારા ચાલતી કાર્યવાહી અંતર્ગત શુક્રવારે મંડાવાવ રોડ વિસ્તારમાં ચેકીંગ હાથ ધરીને માસ્ક વિના ફરતા લોકોને પકડીને સ્થળ પર જ રેપીડ ટેસ્ટ કરાયા હતા. દાહોદ સીડીએચઓ ડો. આરડી પહાડીયાની સુચના અનુસાર તાલુકા બ્લોક હેલ્થ ઓફિસર ડો ભગીરથ બામણીયા માર્ગદર્શનમાં બ્લોક સુપરવાઇઝર રમેશભાઈ કથોટા સહિતની ટીમે ચેકીંગ કરી માસ્ક વિના ફરતાને ઝડપીને સ્થળ પર જ એમ્બ્યુલન્સમાં રેપીડ ટેસ્ટ કર્યો હતો. ઝડપાયેલા કુલ 30 પૈકી 1નો રેપિડ ટેસ્ટ પોઝિટિવ આવતા તેને ઝાયડસમાં મોકલી આપ્યો છે. તો બાકીના 29ના રિપોર્ટ નેગેટિવ આવ્યા હતાં.