ઝાલોદતાલુકાના કાળીમહુડી ગામે જગા ફળિયામાં રહેતો 8 વર્ષિય યોગેશ ડામોર પોતાના 11 વર્ષિય સગા ભાઇ આશિષ ડામોર સાથે સાંજના ચાર વાગ્યાના અરસામાં ઘર નજીક આવેલા કુવા ઉપર નહાવા માટે ગયા હતાં.ત્યારે કોઇ કારણોસર આ બંને ભાઇઓ કૂવાના પાણીમાં ડૂબી ગયા હતાં.બૂમાબૂમ થતાં આસપાસના લોકોએ દોડી આવીને કૂવામાં ધુબાકા માર્યા હતાં. જોકે, તેમને આબાદ કઢાય તે પહેલાં જ બંને ભાઇઓનું ડૂબી જવાનેકારણે મોત થઇ ગયું હતું. ગામના લોકોએ બંનેની લાશ કૂવાના પાણીમાંથી બહાર કાઢી લીધી હતી ત્યારે આ ઘટનાની જાણ થતાં ખેતરે ઘાસ લેવા ગયેલા માતા-પિતા કૂવે દોડી આવતાં બંને પૂત્રોની લાશ જોઇને તેમના હૈયાફાટ રૂદનથી વાતાવરણ ગમગમીન બની ગયું હતું. આ બનાવ અંગે પિતા નગરસિંગભાઇ ડામોરે લીમડી પોલીસ મથકે જાણ કરી હતી. પોલીસે અકસ્માતે મોત અન્વયે ગુનો દાખલ કરીને કાયદેસરના કાગળો કર્યા હતાં.