પ્રતિકારત્મક તસ્વીર

દાહોદ જિલ્લાના દેવગઢ બારિયા તાલુકાના સાગટાળા પોલીસ મથકના પી.એસ.આઇ. એ.એ.રાઠવા તથા સ્ટાફ પેટ્રોલીંગમાં હતો. ત્યારે સેવનીયા વાસ વાળા જંગલમાંથી એક વ્યક્તિ મોટર સાયકલ ઉપર વિદેશી દારૂનો જથ્થો લઇ સેવનીયા ચોકડી થઇ રેઢાણા ગામ તરફ જવાનો હોવાની બાતમી મળતા જંગલમાંથી આવતા પગદંડી રસ્તા પાસે વોચમાં ઉભા હતા.

ત્યારે એક મોટર સાયકલ ચાલક પોલીસને જોઇ પોતાની જીજે-17-6464 નંબરની મોટર સાયકલ મુકી અંધારામાં ઝાડીઝાખરામાં થઇ ભાગી ગયો હતો. મોટર સાયકલ ઉપર લાદેલા થેલામાં તપાસ કરતાં વિદેશી દારૂ તથા બીયરની પેટીઓ નંગ 7 જેમાં નાની મોટી 240 બોટલો જેની કિંમત 29,760ની મળી આવી હતી. દારૂ તથા 25,000ની મોટર સાયકલ મળી 54,760નો મુદ્દામાલ જપ્ત કરી ભાગી ગયેલા ખેપિયા વિરૂદ્ધ સાગટાળા પોલીસે ગુનો નોંધી આગળની કાર્યવાહી હાથ ધરી હતી.