પંચમહાલ ગોધરા રેન્જની સ્કોર્ડે રેન્જના જિલ્લાઓમાં ગુનાઓ આચરી બહાર મજુરી કામ અર્થે જતાં રહેતા નાસતા ફરતા આરોપીઓને પકડવા દાહોદ જિલ્લામાં હતા. તે દરમિયાન સ્કોર્ડના પીઆઇ જે.એન.પરમારને ગુપ્ત બાતમી મળેલ કે ગરબાડા પોલીસ મથકમાં રાયોટીંગના નોંધાયેલા ગુનામાં છેલ્લા 5 વર્ષથી નાસતો ફરતો આરોપી નાંદવાના નવલ માના ભુરાને ગરબાડાના હાટ બજારમાંથી ઝડપી પાડી ગરબાડા પોલીસ મથકે સોંપ્યો હતો.

જ્યારે મોરવા (હ) પોલીસ મથકમાં નોંધાયેલા દારૂના ગુનામાં નાસતો ફરતો ઝાલોદ તાલુકાના નાની રણીયાર ગામનો આરોપી ગૌરાંગકુમાર શૈલેષ ભાભોરને બાતમી આધારે વોચ ગોઠવી દાહોદમાંથી ઝડપી પાડી મોરવા પોલીસને સોંપવામાં આવ્યો હતો.