દાહોદ જિલ્લાના ધાનપુરમાં બે ઈસમો દ્વારા માસ્ક ન પહેરી જાહેરમાં થુક્તા પોલીસે આ બંને ઇસમોને સમજાવવા છતાંય માન્યા ન હતા.પોલીસ સાથે નકલી આરટીઓ બની જીભાજોડી પણ કરી હતી. પોલીસની કાર્યવાહીમાં રૂકાવટ ઉભી કરતા પોલીસે બંને ઈસમોની અટકાયત કરી કાયદેસરની કાર્યવાહી હાથ ધરી હોવાનું જાણવા મળે છે.

દાહોદ જિલ્લામાં દિનપ્રતિદિન સંક્રમણ વકરી રહ્યુ છે અને પરિસ્થિતિ કાબૂ બહાર છે. ત્યારે દાહોદ જિલ્લા વહીવટી તંત્ર તેમજ પોલીસ તંત્ર દ્વારા લોકોને માસ્ક પહેરવા તેમજ સોશિયલ ડીસ્ટન્સ જાણવી રાખવા અપીલ કરાઈ રહી છે . સાથે ન માનતા લોકો સામે કાયદેસરની કાર્યવાહી પણ હાથ ધરી રહી છે.ત્યારે દાહોદ જિલ્લાના ધાનપુરમાં આજરોજ બે વ્યક્તિઓએ માસ્ક પહેર્યા ના હોવાના કારણે પોલીસે તેઓને ટકોર કરી હતી. પરંતુ બંને વ્યક્તિઓ માન્યા ન હતા અને જાહેરમાં થુકતા પણ હતા. પોલીસની કોઈ ઓકાત નથી અમે આરટીઓ ઇન્સપેકટર છીએ. તેવી ખોટી વિગતો આપી અને પોલીસને ધમકી આપી હતી. એક્શનમાં આવેલ ધાનપુર પોલીસે આ બંને વ્યક્તિઓની અટકાયતી પગલાં લઇ સરકારી કામકાજમાં રુકાવટ ઉભી કરવા અંગેનો ગુનો દાખલ કરી આગળની કાયદેસરની કાર્યવાહી હાથ ધરી છે.