દાહોદ તાલુકાના રાતીગાર ગામેથી દાહોદ મજૂરી કામ અર્થે મોટરસાઇકલ ઉપર દાહોદ આવતાં પિતા-પુત્રનું માર્ગ અકસ્માતમાં મોત થતાં શોકની લાગણી ફેલાઇ ગઇ હતી. પૂરપાટ દોડતી પીકઅપ જીપે પાછળથી ટક્કર મારતાં આ ગોઝારો અકસ્માત સર્જાયો હતો. હોળી પર્વના એક દિવસ પહેલાં બનેલી ઘટનાથી આખા ગામમાં શોકની લાગણી ફેલાઇ ગઇ હતી. કતવારા પોલીસે આ અંગે ગુનો દાખલ કર્યો છે. દાહોદ તાલુકાના રાતીગાર ગામે રહેતાંકાજુભાઇ ટીહીયાભાઇ ખરાડ, તેમનો પુત્ર વિજય અને નીલેશભાઇ રામાભાઇ મોટર સાઇકલ ઉપર દાહોદ ખાતે મજૂરી કામ અર્થે આવી રહ્યા હતાં.

ત્યારે દાહોદ-ઇન્દૌર હાઇવે ઉપર ગમલા ગામે પીકઅપ જીપના ચાલકે તેમની મોટર સાઇકલને પાછળથી ટક્કર મારી હતી. જેથી મોટર સાઇકલ ઉપર સવાર કાજુભાઇ, પુત્ર વિજય અને નીલેશભાઇ રસ્તા ઉપર પટકાયા હતાં. માથામાં થયેલી ગંભીર ઇજાને કારણે કાજુભાઇ અને વિજયભાઇનું ઘટનાસ્થળે જ મોત થઇ ગયું હતું. હોળી પર્વના એક દિવસ પહેલાં બનેલી ગોઝારી ઘટનાથી આખા ગામમાં શોકની લાગણી ફેલાઇ ગઇ હતી.