કોરોના કાળમાં બંધ પડેલી ગરીબ તેમજ મધ્યમ વર્ગની લાઈફ લાઈન ગણાતી મેમુ ટ્રેન આખરે 11 માસ બાદ પુનઃ શરૂ થતા દાહોદ સહીત આસપાસના રાજ્યનોના સરહદી વિસ્તારોના લોકોમાં આનંદની લાગણી છવાઈ છે. જોકે નવા રૂપરંગ સાથે આજથી શરૂ થયેલી આ ટ્રેનોમાં હવે મુસાફરોએ પહેલા કરાતા વધારે ભાડુ ચૂકવવું પડશે.

ફરજીયાત રિઝર્વવેશન હોવાથી ભાડામાં વધારો કરાયો 11 મહિનાથી બંધ પડેલી મેમુ ટ્રેન ફરી ચાલું થતાં લોકોમાં આનંદની લાગણી તો છવાઇ છે, પરંતું મુસાફરોને હવે મેમુ ટ્રેન મોંધી પણ પડશે. લોકડાઉન પહેલાં આ ટ્રેનમાં 10 કિલોમીટરથી 30 કિલોમીટર સુધીનું 10 રૂપિયા હતું, જોકે હવે એક દિવસ પહેલાં ફરજીયાત રિઝર્વવેશન કરાવવાનું રહેશે જેથી પહેલા કરાતા વધારે ભાડુ ચૂકવવું પડશે.

મુસાફરોને અસુવિધા સાથે સુવીધા પણ મળશે મળતી માહિતી મુજબ, દાહોદ-રતલામ-ઉજ્જૈન તરફ જતા મુસાફરોને હવે 10 કિલોમીટરથી 30 કિલોમીટરનું ભાડુ 10 રૂપિયાની જગ્યાએ 25 રૂપિયા ચૂકવવું પડશે અને પહેલાં રિઝર્વવેશન કરાવવું પડશે. જેમાં વેપારીઓ અને નોકરિયાતો સહીતના દરરોજ અપડાઉન કરતાં લોકોને અસુવિધા સાથે સુવીધા પણ મળશે. 10 રૂપિયાની જગ્યાએ 25 રૂપિયા મુસાફરોના ખીસ્સા પર વજન ચોક્કસ પડશે પરંતું ખાનગી વાહનોના બમણાં ભાડાથી છુટકારો પણ મળશે.