પોલીસે આગળની કાર્યવાહી હાથ ધરી

દાહોદ જિલ્લામાં 24 કલાકની અંદર પોલીસે બે જુદી જુદી જગ્યાએ દરોડા પાડયા હતા. જેમા કુલ રૂ. ત્રણ લાખ 17 હજાર 350ના વિદેશી દારૂના જથ્થા સાથે બે વાહનો પણ કબજે કરી છે. જ્યારે એક રેડ દરમિયાન એકની અટક પણ કરી કાયદેસરની કાર્યવાહી હાથ ધરી છે.

દેવગઢ બારિયા તાલુકાના સાગટાળા પોલીસ મથક વિસ્તારમાથી બોલેરો ગાડીનો ચાલક પોતાના ગાડીમાં વિદેશી દારૂનો જથ્થો ભરી પસાર થઈ રહ્યો હતો. આ સમયે નાકાબંધીમાં ઉભેલી પોલીસે તેનો પીછો કરતા ગાડીનો ચાલક સ્થળ પર ગાડી મૂકી નાસી ગયો હતો. પોલીસે ગાડીમાં તલાસી લેતાં તેમાંથી વિદેશી દારુ તેમજ બિયર ની બોટલા નંગ 1224 કિંમત રૂપિયા એક લાખ 40 હજાર 760ના વિદેશી દારુના સાથે ગાડી કબજે લઇ પોલીસે ગુનો નોંધી આગળની કાર્યવાહી હાથ ધરી છે.

બીજા બનાવમા સિંગવડ તાલુકાના રણધીકપુર પાસેથી કારમાં વિદેશી દારૂ ભરી હેરાફેરી કરતો હોવાની પોલીસને બાતમી મળી હતી.પોલીસે રણધીકપુર પોલીસ મથક હદ વિસ્તારમાં નાકાબંધી કરી હતી. તે સમયે એક સ્વીફટ કારનો ચાલક ત્યાંથી પસાર થતાં પોલીસે તેની અટક કરી હતી અને ગાડીની તલાશી લેતા તેમાંથી વિદેશી દારૂની બોટલો નંગ 275 કિંમત રૂપિયા એક લાખ 76 હજાર 590ના વિદેશી દારૂ સાથે વડોદરાના મનોજ રાજપૂતની અટક કરી રણધીકપુર પોલીસે ગુનો નોંધી કાયદેસર કાર્યવાહી હાથ ધરી છે.