દાહોદ શહેર નજીક રામપુરા રેન્જના મુવાલિયા સીસમદેવી જંગલમાં ગુરુવારે બપોરના સમયે અચાનક સૂકા કાપેલા ઘાસમાં આગ ફાટી નીકળતાં દોડધામ મચી ગઇ હતી. ઘટનાના પગલે ફોરેસ્ટ વિભાગના અધિકારી -કર્મચારીઓ દોડી ગયા હતાં. રેન્જ ફોરેસ્ટ ઓફિસરે દાહોદના ફાયર વિભાગમાં જાણ કરતાં લાશ્કરોએ ઘટના સ્થળે ધસી જઇને પાણીનો મારો ચલાવ્યો હતો.5 હજાર થી વધુ હેકટર જમીની વિસ્તારમાં આગમાં અંદાજિત બે હજાર કિલો કાપી મૂકેલું ઘાસ સળગી ગયું હતું.