કોરોનાની મહામારી છતાય દાહોદમાં સોનાએ વર્ષ 2020માં 28 ટકાનું રિર્ટન આપ્યું છે. 2020ની શરૂઆતના પ્રથમ સપ્તાહમાં સોનાનો ભાવ 40100 રૂપિયા હતો જ્યારે વર્ષના અંતમાં 31 ડિસેમ્બર 2020એ આ ભાવ 51400 રૂપિયા પ્રતિ દસ ગ્રામે પહોંચી ગયો છે. નવા વર્ષના પ્રથમ દિવસ 1 જાન્યુઆરીએ સોનાનો ભાવ 51500 રૂપિયા રહ્યો હતો. સોના-ચાંદીના વેપારથી જોડાયેલા લોકોના મત મુજબ 2021ના અંત સુધી સોનું આટલુ જ રિર્ટન ફરીથી આપી શકે છે.

છેલ્લા છ વર્ષમાં જ સોનાનો ભાવ બમણો થઇ ગયો છે. જોકે, તેની સરખામણીએ ચાંદીના ભાવ ઓછા વધ્યા છે અને ચાંદીએ રિર્ટન પણ ઓછુ આપ્યુ છે. વેપારીઓના જણાવ્યા મુજબ આ વર્ષે સોનુ 60 હજાર રૂપિયા પ્રતિ દસ ગ્રામ અને ચાંદી 75 હજાર રૂપિયા પ્રતિ કિલો સુધી વેચાઇ શકે છે. 10 વર્ષમાં સોનાએ સૌથી વધુ રિર્ટન 2011માં 35 ટકા સુધી આપ્યું હતું. કોરોનામાં પ્રોપર્ટીના ભાવમાં બહુ વધારો નોંધાયો નથી.

શેર બજારે 15 ટકા રિર્ટન આપ્યું છે. જ્યારે સોનામાં રોકાણ કરનારા લોકોને 28 ટકાનું રિર્ટન મળ્યું છે. ચીન અને ભારત વચ્ચે મતભેદ બાદથી આંતરરાષ્ટ્રિય સ્તરે તેજીને કારણે ભાવમાં વધારો નોંધાયો હતો.

ચાર વર્ષમાં ચાંદીના ભાવ 69% વધ્યા
ચાંદીમાં સોના જેટલી તેજી જોવા મળી ન હતી પરંતુ છેલ્લા ચાર વર્ષમાં તેના ભાવમાં પણ 69%નો વધારો નોંધાયો હતો. વર્ષ 2017માં ચાંદીનો પ્રતિ કિલોનો ભાવ 38660 રૂપિયા હતો જ્યારે વધીને 2018માં 39100 થઇ ગયો હતો. ત્યાર બાદ 2019માં 45300, 2020માં 48200 અને 2021માં 66200 રૂપિયા ઉપર તેનો ભાવ ચાલી રહ્યો હોવાનું જાણવા મળ્યું છે.

સોનાનો છેલ્લા દસ વર્ષનો ચળકાટ

​​​​​​​