મોટીઝરી ખાતે બાબુભાઇ પટેલ છુટક મજુરી કરીને પરિવારનું ગુજરાન ચલાવતા હતાં. તેઓ પત્ની અનિલા અને સાત વર્ષિય દિકરી સેજલ સાથે ખુબજ દરિદ્રતામાં ફાટેલા પ્લાસ્ટિકના અને કંતાનના બનેલા નાના ઝુંપડામાં રહેતા હતાં. આ બાબત આહાર ટ્રસ્ટના ધ્યાન આવી હતી. જેથી ટ્રસ્ટે બાબુભાઇની જમીનમાં જ નવું એક રૂમ -રસોડાનું પાકું મકાન ‘’પ્રેમાહાર ‘બનાવી આપ્યુ હતું. આ સાથે તેમાં રસોઈના વાસણો-વાસણો મુકવાનો ઘોડો-બે પલંગ-બે ગાદી -ઓશિકા-ચાદરો તથા ધાબળાના સેટ-નવા કપડાં-ચપ્પલ વિગેરે પણ ભેટ અાપ્યા હતાં.

ગરીબ પરિવારના સંબંધીઓ તથા 150 લોકોને ભોજન કરાવવા સાથે જય ભગવાન દાદા બ્રાહ્મણ દ્વારા નિઃશુલ્ક સત્યનારાયણની કથા પણ કરાવી હતી. પરિવારને શાત્રોક્તવિધિ સાથે નવા ઘરમાં 31મી તારીખે ગૃહપ્રવેશ કરાવ્યુ હતું. આહાર ટ્રસ્ટ -બારીયા દ્વારા ગરીબ પરિવારમાં ખુશીઓ લાવી તેની ઉજવણી કરી હતી. સરકાર તરફથી તાત્કાલિક પરિવારને ટોયલેટ પણ બનાવી આપ્યું હતું. ટ્રસ્ટે જણાવ્યુ કે,નાની ખજૂરી પ્રાથ. શાળાના આચાર્ય દિલીપભાઈ પટેલના અથાગ પ્રયત્નોથી આ ગરીબ પરિવારમાં ઘરમાં રૂપી ખુશીનો પ્રવેશ થઈ શક્યો હતો.