દેવગઢ બારયા તાલુકાના હિન્દોલિયા ગામમાં રહેતા બે બાપ દિકરાએ ગત વર્ષે ચોમાસાની સીઝનમાં અન્યની સર્વે નંબરવાળી જમીનમાં ઝુપડું બનાવી તેમાં રહીને જમીન પર ગેરકાયદે રીતે કબજો કરી જમીન પચાવી પાડતા દેવગઢ બારિયા પોલીસ મથકે ગુનો નોંધાયો હતો.પ્રાપ્ત વિગત અનુસાર દેવગઢ બારીયા તાલુકાના હિન્દોલીયા ગામે રહેતા ભીમસીંગ જેસીંગ હઠીલા તથા તેના દીકરા ચતુર ભીમસીંગ હઠીલાએ તેમના ગામના 65 વર્ષિય ચતુરભાઈ ધનાભાઈ રાવતની ઉબેર ફળિયામાં આવેલ સર્વે નંબર 74 પૈકી પૈકી 2 વાળી જમીનમાં ગયા વર્ષની ચોમાસામાં ઝુપડુ બનાવી તેમાં રહેવા લાગ્યા હતા.

ત્યાર બાદ ચતુરભાઈ રાવતની તે જમીન ઉપર કાયદેસર કબજો જમાવી જમીન પચાવી પાડી હતી. આ સંબંધે હિન્દોલીયા ગામના ઉબેર ફળિયામાં રહેતા ચતુરભાઈ ધનાભાઈ રાવતે દે.બારીયા પોલિસ સ્ટેશને બન્ને બાદ દિકરા વિરૂદ્ધ ફરિયાદ નોંધાવી છે.