લીમડીની ગુરૂકૃપા સોસાયટીમાં નાના છોકરા કલ્પેશ પારગી સાથે રહેતા નિવૃત્ત શિક્ષક સોમાભાઇનો મોટો છોકરો આદિવાસી સોસાયટીમાં રહેતો દિનેશભાઇ પારગી તેમની પાસે પેન્શનના નાણાં વારંવાર માંગણી કરીને ફોન ઉપર હેરાન કરતાં ફોન બંધ કરી દીધો હતો. ગતરોજ લગ્ન પ્રસંગમાં જવાનું હોવાથી દિનેશભાઇ કલ્પેશભાઇના ઘરે આવ્યા હતા અને દીગ્વિજયને મોબાઇલ લઇને પિતા સોમાભાઇ સાથે વાત કરવા મોકલતા તેમણે વાત કરવાની ના પાડતાં બન્ને બાપ બેટા દાહોદ રોડ પર આવી તમે મારી જોડે કેમ વાત નથી કરતાં તેમ કહી પિતા તથા કલ્પેશ અને ભાનુબેનને ઝપાઝપી કરવા લાગ્યા હતા અને કલ્પેશને મારી નાખવાની ધમકી આપવા લાગ્યા હતા આ સંદર્ભે લીમડી પોલીસ મથકે પૂત્ર તથા પૌત્ર વિરૂદ્ધ ફરિયાદ નોંધાવતાં પોલીસે ગુનો નોંધી કાર્યવાહી હાથ ધરી હતી.