પ્રતિકારત્મક તસ્વીર

ઘુઘસમાં મારી છોકરી વેચી દિધી છે અને તેને મારી નાખી છે તેમ કહી મોટા ભાઇ પર નાના ભાઇએ હુમલો કુહાડી મારી ઇજા પહોંચાડી હતી. ઘુઘસના મલજીભાઇ સવજીભાઇ પારગી ગતરોજ સાંજે પત્ની તથા કુટુંબી સાથે વાતચીત કરતા હતા. તે દરમિયાન નાનો ભાઇ ખેમાભાઇ પારગી હાથમાં કુહાડી લઇને મલજીભાઇ પારગીને ઘરે આવી કહેવા લાગ્યો કે તે મારી છોકરી વેચી દિધેલ છે અને તેને નારી નાખેલ છે તેમ કહી ગાળો બોલવા લાગેલ જેથી મે તારી છોકરી વેચી નથી તે તેની મરજીથી ઘર કરવા જતી રહેલી છે

તેવો પ્રત્યુતર મલજીભાઇ પારગીએ આપતા તેમનો નાનો ભાઇ ખેમા સવજી પારગી એકદમ ઉશ્કેરાઇ જઇ તેના હાથમાંની કુહાડી લઇ દોડી આવી મોટા ભાઇના માથામાં જમણા કાનની ઉપરના ભાગે કુહાડીની મુંદર મારી દેતાં ચામડી ચિરાઇ જઇ લોહી લુહાણ થતાં નિચે ઢળી પડ્યા હતા. આ દરમિયાન બુમાબુમ કરતાં મલજીભાઇ પારગીના કુટુંબીઓ દોડી આવી વધુ મારથી છોડાવ્યા હતા. અને મારી છોકરીને વેચી દિધી છે તને તો હુ જીવતો છોડુ નહી તેમ કહી મોટા ભાઇને જાનથી મારી નાખવાની ધમકીઓ આપતો તેના ઘર તરફ જતો રહ્યો હતો. આ સંદર્ભે મલજીભાઇ પારગીએ હુમલાખોર નાના ભાઇ વિરૂદ્ધ ફતેપુરા પોલીસ મથકે ફરિયાદ નોંધાવી હતી.