ધાનપુર તાલુકાના એક ગામની 16 વર્ષ અને 6 મહિનાની સગીરા તા.5 નવેમ્બરના રોજ સવારે 7 વાગ્યાના અરસામાં પોતાના ઘરથી થોડે દૂર શૌચક્રિયા માટે ગઇ હતી. તે દરમિયાન તાલુકાના વેડ ગામનો મીતેશ કિશોર ચૌહાણ સગીરાને પટાવી ફોસલાવી પોતાની પત્ની તરીકે રાખવા માટે અપહરણ કરી ભગાડી ગયો હતો. મોડે સુધી સગીરા ઘરે નહી આવતાં પરિવારજનોએ આજુબાજુમાં અને ગામમાં શોધખોળ કરી હતી પરંતુ આજદિન સુધી કોઇ પત્તો લાગ્યો ન હતો. શોધખોળ દરમિયાન વેડ ગામનો મીતેશ કિશોર ચૌહાણ પોતાની પત્ની તરીકે રાખવા માટે સગીરાનું અપહરણ કરી ગયો હોવાનું જાણવા મળ્યું હતું.જેથી સગીરાના પિતાએ મીતેશ ચૌહાણ વિરૂદ્ધ ધાનપુર પોલીસ મથકે અપહરણની ફરિયાદ નોંધાવતાં પોલીસે ગુનો નોંધી આગળની કાર્યવાહી હાથ ધરવામાં આવી હતી.