ઝાલોદ તાલુકાના ટાંન્ડી ગામમાં રહેતા અને એસ.ટી. વિભાગમાં ડ્રાઇવરની નોકરી કરતાં રમેશભાઇ પુજાભાઇ દહમા ગતરોજ ઝાલોદ ડેપોની જીજે-18-જેડ-4402 નંબરની એસ.ટી. બસમાં કંડક્ટર દશરથસિંહ મોહનસિંહ રાઠોડ ઝાલોદ સુરત (રામનગર) બસ લઇને સુરતથી ઝાલોદ આવતા હતા. ત્યારે ગતરોજ વહેલી સવારના ત્રણ વાગ્યાના અરસામાં ઝાલોદ નજીક મેલણીયા ગામે હાઇવે ઉપર સામેથી આવતુ એક બાર વીલરના જીજે-09-એયુ-2121 નંબરના ડમ્ફરના ચાલકે પોતાનું વાહન પુર ઝડપે અને ગફલતભરી રીતે રંગારી રોંગ સાઇડમાં આવી એસ.ટી. બસને ટક્કર મારવામાં આવી હતી. જેમાં એસ.ટી. બસને અંદાજે 25,000 રૂપિયાનું નુકસાન થયું હતું. અકસ્માત સર્જી ડમ્ફરનો ચાલક પોતાનું વાહન મુકી ભાગી ગયો હતો. આ બાબતે બસના ડ્રાઇવર દ્વારા ઝાલોદ પોલીસ મથકે ફરિયાદ નોંધાવવામાં આવી હતી.