ફતેપુરા તાલુકાના બસ સ્ટેશને મોટી સંખ્યામા મજુરી અર્થે બહાર ગામ જતો ગરીબ વર્ગ નજરે પડે છે.

ફતેપુરા તાલુકામાંથી બહાર ગામ રોજી રોટી માટે લોકોની હિજરત યથાવત છે. ફતેપુરા તાલુકા સહિત દાહોદ જિલ્લામાં ઓદ્યોગિક કંપનીઓનો અભાવ જોવા મળી રહ્યો છે.

ફતેપુરા તાલુકામાં રોજીરોટી માટે ગરીબ વર્ગ બહાર ગામ મજૂરીએ જઇ રહ્યો છે. સરકાર દ્વારા તાલુકા સહિત જિલ્લાના લોકો બહાર ગામ રોજી રોટી માટે ન જાય અને જિલ્લામાં જ પેટીયુ રળી ખાય તે માટે સિંચાઇ યોજના પણ લાગુ કરવામાં આવી છે. પરતું સિંચાઇ યોજનાનું પાણી હજી સુધી ગામે ગામ પહોંચ્યું નથી. જેથી કરીને હજી પણ તાલુકાના ગરીબ વર્ગના લોકો જિલ્લા બહાર રોજગારી મેળવવા સ્થળાંતર કરી રહ્યા છે.