દાહોદ એલ.સી.બી પોલીસે ફતેપુરા તાલુકાના વાહન ચોરીમાં સંડોવાયેલા એક બાળ આરોપી સહિત બે આરોપીઓની દાહોદ ઝાલોદ તાલુકાના ચાકલીયાથી જિલ્લા તેમજ જિલ્લા બહારના ઘરફોડ ચોરી તેમજ વાહન ચોરીના અનડિટેક્ટ ગુનાનો ભેદ ઉકેલી ડિટેક્ટ કરવામાં દાહોદ લોકલ ક્રાઇમ બ્રાંચને સફળતા મળી છે. પોલીસે બાતમીના આધારે વાહન ચોરોને પકડ્યા

એલસીબી પોલીસ ઇન્સ્પેક્ટર મકવાણા તથા સ્ટાફના માણસો જિલ્લામાં અગાઉ વાહન ચોરીના ગુનાઓમાં સંડોવાયેલા આરોપીઓની માહિતી એકત્રિત કરવાની કામગીરીમાં હતા. તે દરમિયાન ટીમને બાતમી મળેલ કે લીમડી ચાકલિયા તરફના રસ્તે બે માણસોએ સિલ્વર કલરની તુફાન ગાડી લઇ એમપી તરફ જનાર છે. જેથી તુફાન ગાડી આવતા તેને રોકતા તેમાંથી બે ઈસમો ભાગવા જતા તેઓને કોર્ડન કરી ઝડપી પાડ્યા હતા.

ઝડપાયેલા બંને આરોપીઓ પૈકી એક આરોપી બાળ કિશોર છે

જેમાં બાળ કિશોરની ઘનિષ્ઠ પૂછતાછ કરતા તેણે તથા સાગરિતોએ ભેગા મળી એકબીજાની મદદગારી કરી જિલ્લામાં તેમજ જિલ્લા બહાર ચોરી તેમજ વાહન ચોરીના ગુનાની કબૂલાત કરી છે. તેમાં અમદાવાદ રૂરલ જિલ્લા ધોળકા ટાઉન પોલીસ સ્ટેશનમાં ઘરફોડ ચોરી તથા સુખસર ખાતે વર્ષ 2019માં વાહન ચોરીમાં સંડોવાયેલા હોવાનું જણાવ્યું હતું. આ બંને આરોપીઓ પાસેથી તુફાન જીપ કબજે લેવામાં આવી છે. ઝડપાયેલા બંને આરોપીઓ પૈકી એક આરોપી બાળ કિશોર હોવાનું જાણવા મળે છે. જ્યારે બીજો આરોપી નીતિન ડોડીયાર રહે.મોટાનટવાનું હોવાનું જાણવા મળે છે.

બંને આરોપીઓ જામીન ઉપર મુક્ત થયા બાદ ફરી વાહન ચોરીના ગુનાઓને અંજામ આપતા

ઝડપાયેલા બંને આરોપીઓ ભૂતકાળમાં વાહન ચોરી, મારામારી તથા પ્રોહિબિશનના ગુનાઓમાં દાહોદ જિલ્લા તથા આંતર જિલ્લા તેમજ આંતરરાજ્યના કુલ મળી 11 ગુનાઓમાં ઝડપાઈ ચૂકેલ હોવાનું અને જામીન ઉપર મુક્ત થયા બાદ ફરી એકત્રિત થઈ વાહન ચોરીના ગુનાઓને અંજામ આપતા હોવાનું જાણવા મળે છે. આમ જિલ્લા તેમજ જિલ્લા બહાર ઘરફોડ ચોરી તેમજ વાહન ચોરીના અનડિટેક્ટર ગુનાના ભેદ ઉકેલી અનડિટેક્ટ ગુન્હાઓ ડિટેક્ટ કરવામાં દાહોદ જિલ્લા એલ.સી.બી.ને સફળતા મળી છે.