પ્રતીકાત્મક તસ્વીર

દાહોદ જિલ્લાના લીમડી બસ સ્ટેશનમાં બસની રાહ જોઇ ઉભેલી મહિલા પાસેથી બે વિમલના થેલામાં 26 હજાર ઉપરાંતનો દારૂ બિયરનો જથ્થો લીમડી પોલીસે ઝડપી પાડ્યો હતો.દાહોદ જિલ્લાના લીમડી પોલીસ મથકના પી.એસ.આઇ. એમ.એલ.ડામોર તથા સ્ટાફ ગતરોજ પેટ્રોલીંગમાં હતા. ત્યારે એક મહિલા થેલામાં ઇગ્લિશ દારૂ ભરી લીમડી બસ સ્ટેશન તરફ જતી હોવાની બાતમી મળી હતી. જેના આધારે લીમડી પોલીસ મથકના વુ.પો.કો. જાગૃતિબેન કાનજીભાઇ તથા સ્ટાફના બાતમી વાળી જગ્યાએ તપાસ કરતાં એક મહિલા વિલમના બે થેલા સાથે બસ સ્ટેશનમાં બસની રાહ જોઇ રહી હતી.

ચારેબાજુથી ઘેરી તેને પકડી તેની પૂછપરછ કરતાં તેને પોતાનું નામ દાહોદ તાલુકાની મોટી લછેલી ગામની સુશીલાબેન રાકેશભાઇ પરમાર જણાવ્યું હતું. જ્યારે તેની પાસેને બે થેલાની તલાસી લેતા તેમાંથી વિદેશી દારૂ તથા બિયરની નાની મોટી કુલ 251 બોટલ જેની કિંમત 26,505ની મળી આવી હતી. દારૂનો જથ્થો જપ્ત કરી મહિલાની ધરપકડ કરી સુપ્રિમ કોર્ટની ગાઇડ લાઇન પ્રમાણે તેનો કોવિડ-19 કોરોના ટેસ્ટ માટેની કાર્યવાહી કરી લીમડી પોલીસે ગુનો નોંધી આગળની કાર્યવાહી હાથ ધરી હતી.