દાહોદ એલ.સી.બી. પી.આઇ. બી.ડી.શાહ તથા પી.એસ.આઇ. પી.એમ.મકવાણા તેમજ પેરોલ ફર્લો સ્કોર્ડના પી.એસ.આઇ. આઇ.એ. સીસોદીયા તથા સ્ટાફના કર્મચારીઓ સાથે સંયુક્તમાં જુદી જુદી ટીમો બનાવી દેવગઢ બારિયા વિસ્તારમાં નાસતા ફરતા, વોન્ટેડ આરોપીઓ પકડવાની ડ્રાઇવમાં હતા. તે દરમિયાન રણધીકપુર પોલીસ સ્ટેશનમાં નોંધાયેલા દારૂના ગુનામાં ત્રણ વર્ષથી વોન્ટેડ ગોધરાના ચાંદકી ચોક કોલેજ રોડના સુખવિંદર પાલસિંહ ઉર્ફે ભુપેન્દ્ર ગરેવાલને બાતમી આધારે દેવગઢ બારિયા તાલુકામાંથી ઝડપી પાડી રણધીકપુર પોલીસ મથકે સોંપવામાં આવ્યો હતો.