દાહોદ સ્મશાન રોડ ઉપર પાણીની ટાંકી પાસે એક વ્યક્તિ આંક ફરકનો જુગાર રમાડતો હોવાની બાતમી મળતાં શહેર પોલીસે રેઇડ કરતાં સ્મશાન રોડ ઉપર પાણીની ટાંકી પાસે નુરબાગના મહમંદભાઇ દાઉદીને આંકડા લખતાં ઝડપી પાડ્યો હતો. તેની અંગ ઝડતી કરતાં આંકડા લખેલ બુક તથા બોલપેન અને રોકડા 350 રૂપિયા કબ્જે લઇ તેની પુછપરછ કરતાં આ જુગાર ઘાંચીવાડાનો અયુબ મકરાણી રમાડતો હોવાનું જણાવ્યું હતું. મહંદ અબ્બાસ ભલા દાઉદીની ધરપકડ કરી દાહોદ શહેર પોલીસે ગુનો નોંધી કાર્યવાહી હાથ ધરી હતી.