દાહોદ શહેરમાં ચોરી કર્યા બાદ લાંબા સમયથી નાસતા ફરતાં આરોપીને આર.આર સેલે દાહોદ શહેરની ગરબાડા ચોકડીથી ઝડપી પાડ્યો હતો. આર.આર સેલના પીઆઇ જે.એન.પરમાર તથા પો.કો. ઇન્દ્રજીતસિંહ ભગવતસિંહ પંચમહાલ ગોધરા રેન્જના જિલ્લાઓના ગુનાઓમાં નાસતા ફરતા વોન્ટેડ આરોપીઓ ઝડપી પાડવા નિકળ્યા હતા. ત્યારે દાહોદ જિલ્લાના દાહોદ શહે પોલીસ મથકના ચોરીના ગુનામાં છેલ્લા 8 વર્ષથી નાસતો ફરતો આરોપી મધ્યપ્રદેશના મેઘરની ફોરેસ્ટ કોલોનીમાં રહેતો રાજેન્દ્ર ઉર્ફે સાગર નંદકિશોર ઉર્ફે રાધેશ્યામ જાટ દાહોદ ગરબાડા ચોકડી ખાતે આવવાનો હોવાની બાતમી મળી હતી. જેના આધારે પોલીસ ગરબાડા ચોકડી નજીક વોચમાં હતી. ત્યારે આરોપી ત્યાં આવતાં તેને ઝડપી પાડ્યો હતો અને દાહોદ શહેર પોલીસને સોંપતા તેને જેલમાં ધકેલી દેવાયો છે.