ધાનપુર પોલીસ સ્ટાફને પેટ્રોલીંગ દરમિયાન નાનીમલુની સાબુડીબેન માવી ઘરે દારૂ રાખી વેચાણ કરતી હોવાની બાતમી મળતાં પોલીસે તેને ઘરે રેઇડ કરી હતી. રેઇડ દરમિયાન સાબુડીબેન હાજર મળતાં તેને સાથે રાખી ઘરમાં તલાસી લેતાં એક મીણીયા થેલામાં કાંચના તથા પ્લાસ્ટીકના ક્વાર્ટર 180 મિલીના 43 નંગ જેની કિંમત 4,795ના મળી આવ્યા હતા. દારૂ સાથે સાબુડીબેનની ધરપકડ કરી ધાનપુર પોલીસે ગુનો નોંધી કાર્યવાહી હાથ ધરી હતી.