પ્રતિકાત્મક તસવીર

દાહોદ એલ.સી.બી.એ ઝાલોદ બસ સ્ટેશન પાસે ચોરીના મોબાઇલ વેચવા માટે ઉભેલા કિશોરને બાતમી આધારે ઝડપી પાડ્યો હતો. કિશોર પાસેથી રૂપિયા 40 હજારના મુદ્દામાલ રિકવર કર્યો હતો.દાહોદ એલ.સી.બી. પી.આઇ. બી.ડી.શાહ તથા પી.એસ.આઇ. પી.એમ.મકવાણા અને સ્ટાફ ગતરોજ ઝાલોદ પોલીસ સ્ટેશન વિસ્તારમાં મિલ્કત સંબંધી ગનાઓની શોધમાં પેટ્રોલીંગમાં હતા.

ત્યારે એક કિશોર ચોરીના શંકાસ્પદ મોબાઇલ વેચવાની ફિરાકમાં ઝાલોદ બસ સ્ટેશનની બહાર ચાની લારી ઉપર ઉભો હોવાની બાતમી મળી હતી. જેના આધારે એલ.સી.બી.એ આયોજનબધ્ધ વોચ ગોઠવી ચાની લારી ઉભેલ કિશોરને શંકાસ્પદ એન્ડ્રોઇડ મોબાઇલ સાથે ઝડપી પાડ્યો હતો. કિશોરની પુછપરછ કરતાં લીમખેડા, ઝાલોદ અને લીમડીમાંથી મોબાઇલ ચોરી કર્યા હોવાની કબુલાત કરી હતી. કિશોર પાસેથી ચાર મોબાઇલ જેની કિંમત રૂપિયા 40,000નો મુદ્દામાલ રિકવર કરી ચાર અનડિટેક્ટ ગુનાઓ ડિકેક્ટ કરવામાં એલ.સી.બી.ને સફળતા મળી હતી.