દાહોદ જિલ્લાના ફતેપુરા તાલુકાના ઘુઘસ ગામના ખુંટા ફળિયામાં રહેતી 23 વર્ષિય કુટુંબી ભાભી પાસે જઇ દિયર આનંદ મલજી પારગીએ બિભત્સ માગણી કરી હતી. ત્યારે ભાભીએ તેની અઘટીત માગણીને વશ નહિ થતાં તેના પતિ સહિતના સાસરીયાઓ પોલીસમાં ફરિયાદ આપતાં જતા હતા. ભાભીએ તેની બે વર્ષની છોકરીને પોતાની નણંદ પાસે ઘરે મુકીને ગયા હતા.

ભાભી પોલીસમાં ફરિયાદ આપવા ગયા હોવાનું દિયર આનંદ મલજી પારગીને જાણ થતાં પ્રકાશ ઉર્ફે પતરેશ હકરા પારગી, પપ્પુ ચમન પારગી, સંદીપ ખમા પારગી મોટર સાયકલ ઉપર ભાભીને ઘરે જઇ તેની બે વર્ષિય બાળકીનું અપહરણ કરી રાજસ્થાનના સેન્ડગડુલી ગામે જતા રહ્યા હતા. અપહ્યુત બાળકી તથા આરોપીઓને શોધ‌વા ફતેપુરા પીએસઆઇ સી.બી.બરંડાએ ત્રણ ટીમો બનાવી તપાસ કરતા બાળકીને લઇને આરોપીઓ રાજસ્થાનના સેન્ડગડુલી ગામે હોવાનું જાણવામળતા પીએસઆઇ સી.બી. બરંડાએ ઉચ્ચ અધિકારીઓ સાથે ટેલિફોનિક ચર્ચા કરી મંજૂરી મેળવી પીએસઆઇ તથા પોલીસની ટીમના મુકેશકુમાર ઉદેસિંહ, વિનુજી મેરૂજ, કલ્પેશકુમાર ડાહ્યાભાઇ, પિન્ટુભાઇ સુભાષભાઇ, દિપકકુમાર ચન્દ્રસિંહ તથા લાલસંગભાઇ વિરકાભાઇ સાથે રાજસ્થાનના સેન્ડગડુલી ગામે જઇ છટકુ ગોટવી અપહ્યુત 2 વર્ષિય બાળકીને આરોપીઓને કબ્જામાંથી સહીસલામત છોડવી આનંદ મલજી પારગી, પ્રકાશ ઉર્ફે પતરેશ હકરા પારગી તથા પપ્પુ ચીમન પારગીને ઝડપી પાડ્યા હતા.

આરોપી કુટુંબી દિયરનો ગુનાઇત ઇતિહાસ
ફતેપુરામાં ચાર અને લુણાવાડા પોલીસ મથકમાં એક મળી કુલ 5 ગુના પોલીસ ચોપડે નોંધાયેલા છે. જેમાં બળાત્કાર, મારામારી, છેડતી, અપહરણ, દુષ્કર્મ, ધિંગાણુ અને ચોરી જેવા ગુના નોંધાયેલા છે.