દાહોદ લોકલ ક્રાઇમ બ્રાન્ચના પી.આઇ. બી.ડી.શાહ તથા પીએસઆઇ પી.એમ.મકવાણાએ સ્ટાફની જુદી જુદી ટીમો બનાવી જિલ્લામાં નાસતા ફરતા આરોપીઓની માહિતી એકત્રિત કરી ઝડપી પાડવા માટે જેસાવાડા પોલીસ સ્ટેશન વિસ્તારમાં ડ્રાઇવમાં હતા. તે દરમિયાન જેસાવાડામાં રાયોટીંગના ગુનામાં નાસતો ફરતો આરોપી ગરબાડા તાલુકાના આંબલી ખજુરીયાનો સમસુ છગન પલાસ તેના ઘરે આવ્યો હોવાની માહિતીના આધારે પોલીસે તેના ઘરે વોચ ગોઠવી તેને ઘરમાંથી ઝડપી પાડ્યો હતો. ઝડપાયેલા આરોપીને જેસાવાડા પોલીસ સ્ટેશને સોંપી આગળની કાર્યવાહી હાથ ધરી હતી.