દાહોદ જિલ્લામાં કોરોનાનો પ્રકોપ ધીમે-ધીમે ઓછો થતો જોવાઇ રહ્યો છે. છેલ્લા કેટલાંક દિવસોથી પોઝિટિવ કેસોની સંખ્યા નહિંવત જોવા મળી રહી છે. શનિવારના રોજ જિલ્લામાં 1216 લોકોના ટેસ્ટ કરવામાં આવ્યા હતાં. જેમાં 298RT-PCR અને 918 રેપીડ ટેસ્ટ કરાયા હતા. આ ટેસ્ટમાં RT-PCRમાં બે અને રેપીડમાં એક વ્યક્તિ પોઝિટિવ નીકળ્યો હતો. પોઝિટિવ આવેલા દર્દીઓમાં દાહોદના બે અને ઝાલોદ તાલુકાના એકનો સમાવેશ થાય છે. સાજા થયેલા સાત લોકોને રવિવારના રોજ રજા આપવામાં આવી હતી. જિલ્લામાં હવે 46 જ એક્ટિવ કેસ હોવાનું જાણવા મળ્યું છે.