મધ્યપ્રદેશના ઝાબુમાં જીલ્લાના રણાપુર ગામના સંજયભાઇ પરથીયાભાઇ પરમાર તા.30મીના રોજ સાંજના સાતેક વાગ્યાના અરસામાં પોતાની બાઇક લઇને અમરેલી જિલ્લામાં મજૂરી કામ અર્થે જવા માટે નીકળ્યો હતો. ત્યારે રાત્રીના 10.30 વાગ્યાના અરસામાં દાહોદ ઇન્દૌર હાઇવે ઉપર હજરત લોટન શાહ દરગાહ પાસે કોઇ અજાણ્યા વાહનને તેની બાઇકને ટક્કર મારી અકસ્માત કરતાં સંજયને કપાળના ભાગે તથા શરીરે ગંભીર ઇજાઓ તથા મોઢા ઉપર પણ ગંભીર પ્રકારની ઇજાઓ થતાં તેનું મોત નિપજ્યું હતું.

ઘટનાની જાણ પોલીસે પરિવારને કરતાં મૃતકના પિતા અને ભાઇ તાત્કાલિક દાહોદ આવી પહોંચ્યા હતા. આ સંદર્ભે મૃતકના પિતાએ દાહોદ તાલુકા પોલીસ મથકે અજાણ્યા વાહન ચાલક સામે ફરિયાદ નોંધાવતાં પોલીસે કાર્યવાહી હાથ ધરી છે.