દાહોદ જિલ્લામાં કુલ 6 અલગ અલગ જગ્યાએથી રૂા.6.95 લાખના દારૂ-બિયર સાથે એક મહિલા સહિત ચારને પોલીસે ઝડપી એક મહિલા સહિત કુલ 9 લોકો સામે ગુનો નોંધી કાર્યવાહી હાથ ધરી હતી. ઝાલોદના મોટીહાંડી ગામના ધામણખોબરા ફળિયાના બાબુ બચુ નીનામાને ઘરે રેઇડ કરતાં તેને સાથે રાખી ઘરમાં તલાસી લેતાં વિદેશી દારૂની તથા બિયરની કુલ 55 પેટીઓ જેમાં કુલ 1,980 જેની કિંમત રૂા.27,840ના જથ્થા સાથે બાબુબચુની ધરપકડ કરી લીમડી પોલીસ મથકે ગુનો નોંધાવ્યો હતો. ઝાલોદ પોલીસે દારૂની બાતમીથી થેરકા ગાના રામસીંગ સુરતાન કલારાને ઘરે રેઇડ કરતાં તે હાજર મળતા ઘરમાં તલાસી લેતાં વિવિધ માર્કાની વિદેશી દારૂ બિયરની કુલ 2112 બોટલો રૂા.2,66,880ની મળી હતી. જથ્થા સાથે રામસીંગ સુરતાન કલારાની ધરપકડ કરી તેની સાથે તથા જથ્થો પુરો પાડનાર સામે ગુનો નોંધ્યો હતો.

તેવી જ રીતે દેવગઢ બારિયા પોલીસે પણ બૈણા ગામના નટવરસિંહ શંકા બારીયાના ઘરે છાપો મારતા તે ઘરે મળી આવતાં તેને સાથે રાખી ઘરમાં તલાસી લેતાં ઘરના પાછળના ભાગે બનાવેલ બાથરૂમમાંથી પતરાના ડબ્બામાં તથા પ્લાસ્ટીકની થેલી અને વિમલના થેલામાં ભરી રાખેલ દારૂ વ્હીસ્કીની કુલ 219 નાની મોટી બોટલો તેમજ 153 બોટલ બિયર મળી કુલ રૂા.445 બોટલો જેની કિંમત રૂા.54,175ના જથ્થા સાથે રામસીંગ સુરતાન કલારાની ધરપકડ કરી હતી. જ્યારે દાહોદ તાલુકા પોલીસે ગલાલીયાવાડમાં રહેતા શંકર કૈલાશ સાંસીના ઘરે રેઇડ કરી તેના ઘરમાંથી નાની મોટી વિદેશી દારૂની કુલ 160 જેની કિંમત રૂા.27,180ની મળી આવ્યા હતાં.

દાહોદ તાલુકાના ખંગેલા ગામે જોગસીંગ પીદીયાના ઘરે રેડ કરતાં તેની પત્ની મળી હતી. તલાસી લેતાં વિદેશી દારૂ બીયરની કુલ 281 બોટલો જેની કિંમત રૂા.39,950ની મળી આવી હતી. જથ્થા સાથે લીલાબેન મેડાની ધરપકડ કરી તેની સામે તથા તેના પતિ જોગસીંગ અને પીટોલના દારૂના ઠેકેદાર સામે કતવારા પોલીસે ગુનો નોંધી કાર્યવાહી હાથ ધરી હતી. લીમખેડા તાલુકાના પાણીયા ગામે હાઇવે ઉપર જીજે-24-A-9792 નંબરની આઇ ટવેન્ટી કાર બીનવારસી સ્થિતિમાં મળી આવી હતી. પોલીસે કારમાં તપાસ કરતા અંદરથી રૂા.28,800નો 288 બોટલ દારૂનો જથ્થો મળી આવ્યો હતો. પોલીસે દારૂનો જથ્થો તથા 1 લાખ રૂપિયાની કિંમતની કાર જપ્ત કરી કારના માલિક તથા ચાલકની તપાસના ચક્રો ગતિમાન કર્યા છે.