દાહોદ જિલ્લામાં વાહન ચોર ટોળકી સક્રિય થઇ બિનદાસ્તપણે વાહનોની ચોરી કરી રહ્યા હતા. દાહોદ શહેર સહિત જિલ્લાના અન્ય તાલુકામાં પણ આંતરે દિવસે વાહન ચોરીની ફરિયાદ પોલીસ ચોપડે નોંધાઇ રહી છે. ત્યારે ગતરોજ પણ દાહોદ તાલુકાના રાબડાલ મિનામા ફળિયામાં રહેતા શંકરભાઇ રમેશભાઇ પરમારની જીજે-20-એસી-1826 નંબરની એવિયેટર સ્કૂટી મોપેડ તથા તેના મિત્રની જીજે-20-એએન-0006 નંબરની અપાચી બાઇક બજારમાં ખરીદી કરી આવી રાત્રીના આઠેક વાગ્યે ઘર આગળ સ્ટેરીંગ લોક મારી મુકી હતી.

તે દરમિયાન રાત્રીના સમયે ચોર ઇસમોએ તેમના આ બન્ને વાહનોને નિશાન બનાવી ચોરી કરી લઇ ગઇ ગયા હતા. સંજયભાઇ રમેશભાઇ પરમાર વહેલી સવારે દૂધ લેવા નિકળ્યા ત્યારે ઘર આગળ મુકેલ બન્ને વાહનો જોવા ન મળતાં આજુબાજુમાં શોધખોળ કરી હતી પરંતુ કોઇ પત્તો લાગ્યો ન હતો. જેથી શંકરભાઇ રમેશભાઇ પરમારે 15,000ની કિંમતની મોપેડ તથા 35,000 કિંમતની બાઇક ચોરી અંગેની ફરિયાદ દાહોદ તાલુકા પોલીસ મથકે નોંધાવતાં પોલીસે ગુનો નોંધી કાર્યવાહી હાથ ધરી હતી.