દેવગઢ બારિયા તાલુકાના પીપલોદમાં બીજા દિવસે પણ બાઇક ચોરોએ તરખાટ મચાવી ્રણ બાઇકોની તસ્કરી કરી હતી. પંચમહાલ જિલ્લાના મુળ રહેવાસી અને વડોદરા પારૂલ હોસ્પિટલમાં ડોક્ટર તરીકે નોકરી કરતાં જગદીશ અરવિંદભાઇ પ્રજાપતિ તથા તેમના પત્ની પુષ્પાબેન પીપલોદ સરકારી હોસ્પિટલમાં નોકરી કરતા હોવાથી પીપલોદ સરકારી હોસ્પિટલની બાજુમાં મકાન ભાડે રાખી રહી છે. પીપલોદથી વડોદરા મોટર સાયકલ ઉપર અપડાઉન કરે છે.

તા.6 માર્ચના રોજ સાંજના સમયે વડોદરાથી આવી પોતાની જીજે-17-એએમ-4493 નંબરની મોટર સાયકલ પીપલોદના ભાડાના મકાન આગળ મુકી હતી. તેમજ પીપલોદ બારીયા રોડ ઉપર રહેતા ગીરીશકુમાર બાધરભાઇ પટેલે પોતાની જીજે-20-એએલ-3381 નંબરની તથા બારીયા રોડ કેટરા પાસે ઇદ્રીશભાઇ રસુલભાઇ વ્હોરાના મકાન આગળ મુકી રાખેલ જીજે-07-સીડી-3845 નંબરની મોટર સાયકલોને ચોર ઇસમોએ નિશાન બનાવી ડુપ્લિકેટ ચાવી કે લોક તોડી પોતાનો કસબ અજમાવી ચોરી કરી લઇ ગયા હતા. મુકેલી જગ્યાએ બાઇકો જોવા ન મળતાં બાઇક ચોરીની ફરિયાદ નોંધાવતાં કાર્યવાહી હાથ ધરી હતી.