ઝાલોદ માછણ નાળા બ્રિજ સાંકડો હોય ચાલકો માટે જોખમી.

ઝાલોદ તાલુકાનો જીવાદોરી સમાન ગણાતા માછણનાળા ડેમ પર 1983ની સાલમાં બ્રિજ બનાવવામાં આવ્યો હતો. જવાબદાર વિભાગ દ્વારા બ્રિજની દર વર્ષે મરામત કરીને સંતોષ માણે છે. પરંતુ પહોંળો કરવાની કોઈ કાર્યવાહી કરાતી નથી. આ બ્રિજ સમય સાથે એટલો સાંકડો બન્યો છે, કે સામસામે બે વાહનો પસાર થવામાં પણ ભારે મુશ્કેલી પડે છે. ભૂતકાળમાં અકસ્માતોના મોટા બનાવો પણ બન્યા છે.

નેશનલ હાઇવે ઓથોરીટી ઓફ ઈન્ડિયા વિભાગ દ્વારા થોડા સમય પહેલા દાહોદ-બાંસવાડા બાયપાસ નેશનલ હાઇવે કરોડો રૂપિયાના ખર્ચે બનાવ્યો હતો. તેમજ સર્વે કરનારા જવાબદાર વિભાગના અધિકારીઓએ માછણનાળા બ્રિજ તરફ ધ્યાન ન આપતા ચાલકોને મુશ્કેલી વેઠવી પડી રહી છે. બાયપાસ હાઇવે બનાવીને લાખ્ખો રૂપિયાનો ટોલટેક્ષ ઉઘરાવાય છે. પરંતુ સરકાર દ્વારા 37 વર્ષ બાદ પણ બ્રિજ પહોળો કરવા તસ્દી લેવાઇ નથી.

0