દાહોદ જિલ્લાના સંજેલી તાલુકમાં આવેલ પ્રતાપુરથી પિછોડા મેથાણ વંદેલીથી ગોધરા તરફ જવાના રસ્તાઓ ઉપર ઝાડી ઝાંખરા વધી જતા લોકો પરેશાન થઇ રહ્યા છે. એક તરફ આ રોડ પર અનેક નાના મોટા વળાંકો આવેલ છે તેમાં પણ રોડની બને બાજુએ ઉગી નીકળેલા ગાંડા બાવળનો ત્રાસ તેમજ વણઝારીથી મેથાણ તરફનો સિંગલ પટી સાંકડો રસ્તો હોવાના કારણે જો સામ સામેથી કોઈ મોટા વાહનો આવે ત્યારે તે જોઈ પણ શકાતા નથી અને પોતાનું વાહન પાછળ કે પછી સાઈડ ઉપર ઉભું રાખીને સાઈડ આપવી પડતી હોય છે. કેટલીક જગ્યાતો આજુબાજુ ખાડાઓ ખેતરો હોવાથી સાઈડો પણ આપી શકાતી નથી. આ રોડ પરની ઝાડી ઝાકરાઓ વહેલી તકેદૂર કરવામાં આવે તેમજ સાંકડા રસ્તાઓને પોહળા કરાય તે જરૂરી છે.